قصة كيس بلاستيك !

Print pagePDF pageEmail page

الحكاية من حكايات لمبة 

كان يا مكان فى يوم هوا ، شوية نزل راجل يشتري شوية حاجات للبيت- سمك، رز وشوية زيت .. عند الكاونتر و هو بيحاسب سألوه تحب نحطلك الطلبات فى كيس ؟؟ قال أيوة طبعاً .. أخد الكيس و راح على البيت طلع الحاجات و الكيس طار .. فتح التلفزيون سمع الأخبار “لقينا حوت ميت على الشط بسبب كم البلاستيك اللّي بلعه” – عادي يعني هو الحوت كان فايدني ف ايه  الكيس طار مع الريح الجامدة كذا يوم و وصل البحر مع باقى زمايله – شمس و أمواج و مية مالحة !! بدأت الروابط اللّي ماسكة الكيس تتكسر و يتقطع لقطع صغيره أوي و اتسحب مع الأمواج و بدأ ينمو عليه ال phytoplankton – الأكل الأساسي بتاع السمك- كان فى شوية سمك عايمين و جعانين أكلوا الكيس – أصلهم فاكرينه أكلهم .. عدت مركب صيد رمت شباكهم و حجزت على السمك و وصل السوق..

بعد كام يوم – كان يا مكان فى يوم هوا شوية نزل راجل يشتري شوية حاجات للبيت- سمك (متغدى بلاستيك) ، رز وشوية زيت .. عند الكاونتر و هو بيحاسب سألوه تحب نحطلك الطلبات فى كيس ؟؟ قال أيوة طبعاَ عاوز الكيس !!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *