هل الشواء مُضر للبيئة؟ – مقالات مُجتمعنا الأخضر

Print pagePDF pageEmail page

المقال بواسطة فريق لمبة

موضوعنا النهاردة عن الشوى على الفحم، سواء لحمة أو فراخ أو درة او خضار
ازاى الشوى على الفحم ممكن يكون مضر؟؟
نتيجة لتساقط الدهون إلى فى اللحوم أثناء الشوي على الفحم يتسبب خروج مركبات polycyclic aromatic hydrocarbons،

بالإضافة أن الأجزاء الّلى بيكون لونها أسود فى المشويات اللّى بتكون اتشوت زيادة بتحتوى على مركبات heterocyclic amine،

المعهد الأمريكي لبحوث السرطان أدرج المركبين دول ضمن المواد المسرطنة
وطبعا الخطورة هنا مش بس على اللّى بياكل ، بتكون على اللّى بيشوى وبيشم الأبخرة كمان،
وبردوا الخطر شامل الطريقة اللّى بتتعمل فى البيت بعد عمل الكفتة أو اللحم فى الفرن بيتحط معاها فحم عشان تكون بنكهة الشواء،
ازاى نقدر نتجنب دا؟
تتبيل اللحوم مهم جداً، الروزمارى والبصل والتوم والخل مهمين فى تقليل خطر الفحم ،

دا ممكن يقلل من الخطر لكن مش هيمنعه كلياً ، فيستحسن أكل المشويات يكون مش كتير وعلى فترات متباعدة.
كمان الفحم مش بيأثر بس على الصحة،
بياثر كمان على البيئة، عن طريق إنه بيزود كمية ثانى أكسيد الكربون فى الجو
-واية يعني ما كلنا عارفين إن ثانى اكسيد الكربون طبيعي موجود فى الهواء؟!

ثانى أكسيد الكربون من الgreenhouse gases أو الغازات الدفيئة بيحافظ على الحرارة فى الكوكب لولا وجوده كانت درجة حرارة الكوكب ممكن توصل – 40

لكن لما تزيد كميته دا بيخلىّ كوكب الأرض عامل زى الصوبة الحرارية،  بيمتص الحرارة من الشمس لكن بيمنع خروجها ، فبالتالي كل لما تزيد كمية ثانى أكسيد الكربون فى الجو كل لما هتدخل حرارة أكتر لكن مش هتخرج ودا بيسبب ظاهرة الإحتباس الحراري.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *